हम कहित रहे तुम यादि करौ यहु कनकौवा गुजराती है तुम कहति रहौ ना अइस नाइ यहिमा गांधी कै लाती है । -शैलेन्द्र कुमार शुक्ल

चोहल

हम कहित रहै ना बौखलाउ
यहु मनई बड़ा फसादी है
तुम कहति रहौ ना अइस नाइ 
यहु देसभक्ति का आदी है।

हम कहित रहै आँखी ख्वालौ
यहु चोरु चंटु बकवाधी है
तुम कहति रहौ ना अइस नाइ
यहि मा विकास कै आँधी है।

हम कहित रहे तनि ध्यान देउ
यहु पूंजीपतिन क नाती है
तुम कहति रहौ ना अइस नाइ
यहु हमरे देश कै बाती है।

हम कहित रहे तुम यादि करौ
यहु कनकौवा गुजराती है
तुम कहति रहौ ना अइस नाइ
यहिमा गांधी कै लाती है ।

-शैलेन्द्र कुमार शुक्ल